martes, 21 de mayo de 2019

MARÍA ORUÑA NA BIBLIOTECA DO IES DE POIO


Hoxe foi un día moi especial na biblioteca: abrimos as nosas portas á escritora María Oruña, autora de Puerto Escondido (lida fai dous anos no club de lectura de adultos e neste, no club de lectura de Bacharelato e en todos os 4' ESO na materia de Lingua Castelá.



María preparou material para explicar a obra. Así, abraiounos coa súa exposición e achegounos un pouquichiño máis ós lugares e épocas nas que se desenvolve Puerto Escondido.





Pero non só falou do libro: explicounos como se chega a ser unha escritora de sona e en que consiste realmente a profesión de "escritor".




Permitiunos ademáis, preguntar as nosas dúbidas sobre a obra, a súa persoa, sobre o proceso creativo,.... falamos do que quixemos.


Ó acabar o coloquio, aceptou asinar os libros de todos: do alumnado, dos profesores e das nais do club de adultos que tamén se achegaron a escoitala.





Como os de club de lectura de Bacharelato teñen menos vergoña, conseguiron o trofeo dunha foto coa protagonista do día.


Antes de marchar, María agasallounos con dous exemplares adicados do segundo libro da serie "Los Libros de Puerto Escondido".



Moitas gracias, María, por unha xornada inesquecible. Volve cando queiras, estas na casa.

lunes, 20 de mayo de 2019

NOVA SESIÓN DO CLUB DE LECTURA DE ADULTOS


Onte pola tarde tivemos a sesión mensual do club de lectura de adultos. Esta vez, non estivemos todas (botóusevos de menos, rapazas) pero a charla foi igual de entretida que noutras sesións  e os personaxes, as ambientacións, o multiperspectivismo de Tres Maneras de Inducir Un Coma,... foron analizados para chegar á nosa propia versión, seguramente diametralmente oposta á que Alba Carballal imaxinou.

Coa próxima lectura, a derradeira deste curso, volveremos á novela negra da man de Aranza Portabales e a súa Beleza Vermella.



Quedamos o 10 de xuño ás 18,30 h. na Biblioteca.

miércoles, 15 de mayo de 2019

CLUB DE LECTURA DE BACHARELATO


 O luns ó mediodía, o club de lectura tivo unha reunión. Primeiro, demos boa conta dos bocatas que Nita preparou (coma sempre: grazas, Nita) pero non perdemos o tempo, entre bocado e bocado xa discutíamos qué faríamos nós se fósemos o protagonista de Terror de Ferdinand von Schirach.

Tamén quixeron axudar na biblioteca escollendo as lecturas para #portadasdelibros,  o reto que -por instagram- aceptamos hai uns días.

E xa para rematar a sesión, entregamos a seguinte lectura: Lejos del Corazón de Lorenzo Silva. Xa vos contaremos!!!



sábado, 4 de mayo de 2019

NOVA SESIÓN DO CLUB DE LECTURA DE ADULTOS

O luns pola tarde, tralas clases, tivemos una nova reunión do club de lectura de adultos. Esta vez, tiñamos como lectura Ninguén, de Fran Alonso.

Aínda que non foi a lectura que máis entusiasmou, sí lle sacamos partido na posta en común  e rimos a esgalla saltando dun tema a outro (máis ou menos relacionados coa obra).

A continuación, repartimos a nova lectura, a ópera prima de Alba Carballal, Tres Manera de Inducir un Coma.




A posta en común desta novela será o 20 de maio, no horario habitual.

SAÍDA DO CLUB DE BANDA DESEÑADA CÓMIC-COM DE MOAÑA

Onte, o club de lectura de banda deseñada tivemos una mañá moi axetreada: xa ás nove esperábamos nerviosos o autobús




que nos levaría a Moaña




Alí, no primer andar da praza de abastos, estaba xa todo preparado










CÓMIC-COM 
 organizada polos institulos da localidade. 

Estivemos toda a mañá con diferentes actividades,





aínda que a "búsqueda do tesouro"










e scape room foron as máis demandadas.


Aínda que a nosa saída rematou, a Cómic-Con continuou durante a tarde e a xornada do sábado cun programa incríble. Noraboa ós instituots organizadores, conseguiron que pasásemos una xornada fantástica. Vémonos o ano que vén!

CONTINUAMOS NO CLUB DE POESÍA GALEGA



Neste terceiro trimestre, e a petición das alumnas integrantes do Club de Poesía do IES de Poio, vaise ler unha selección de poemas en lingua galega cuxo tema principal é o amor nas súas máis diversas variantes: o amor correspondido, o desengano, os amores que doen, o amor máis alá da morte, o amor físico e o amor platónico... E outras formas de entender o amor. Os e as poetas que integran esta antoloxía - de creación propia - van desde a máis clásica Rosalía, ata outros máis actuais, como Olga Novo, Manuel Celso Matalobos ou Miro Villar.

CONCURSO LITERARIO - MICRORRELATO. LETRAS GALEGAS 2019

CONCURSO LITERARIO - MICRORRELATO
LETRAS GALEGAS 2019

Con motivo do Día das Letras Galegas 2019, o departamento de Lingua Galega e a Biblioteca do IES de Poio organizan un concurso literario coas seguintes bases: 

BASES:
Poderán participar todos os alumnos e alumnas que estean cursando 1º, 2º, 3º ou 4º da ESO no IES de Poio.
A extensión máxima do microrrelato non poderá superar as 150 palabras.
Cada alumno ou alumna só poderá presentar un microrrelato.
O tema será libre.
Deberá estar escrito en lingua galega.
Valorarase a creatividade, orixinalidade e calidade narrativa..
Os orixinais, que poden estar escritos á man ou mediante o ordenador, deberán entregarse na biblioteca.

O prazo de presentación  remata o día 16 de maio de 2019.

Nos traballos debe constar o pseudónimo do autor ou autora e, dentro dun sobre pechado tamén co pseudónimo por fóra, o seu nome, apelidos e curso. 

A participación neste concurso supón a aceptación destas bases. 

CATEGORÍAS E PREMIOS:
Establécense as seguintes categorías e premios:  
a) CATEGORÍA A: Para alumnos e alumnas que cursan 1º e 2º da ESO:
-Un 1º premio
-Un 2º premio

b) CATEGORÍA B: Para alumnos e alumnas que cursan 3º e 4º da ESO:
-Un 1º premio
-Un 2º premio

XURADO:
O xurado estará formado por dous alumnos ou alumnas de Bacharelato e por dous profesores ou profesoras do IES de Poio.
O xurado dará a coñecer a súa resolución o día 23 de maio (xoves) na biblioteca á hora do recreo.